رسائل للفراق الحبيب

ولايهمك يا روح الروح اذا ناوي على النسيان
تناسى يا عسى البسمة تزورك يوم نسياني
وخـذ فرحي معك تكفى وعلمني على الأحزان
مـدام الـهـم جـاني مــنك أكــيد بتـحلى أحـزاني
واذا جـرحـي يسلي النفس عن وقت يهز ابدان
فداك الجرح يا عمري تسلى بنزف وجـدانـي
ولـكـن قـبـل تـظـلـمـني وتجازي ودي بالنكران
حـبـيـبـي افـهـم احـسـاسـي لأنـه حـيل أشـقـاني
أبـيـك ومــا أبي غـيـرك ولـو هل المطر خلان
أنا مـالي سـواك انــت ولـو غـــيـرك تـبـلانــي
******************************
يمه حزين أبـغـيـبـــتك واشكي الهــم
يمه فديتــــــــك لاتغـيـبـيـــن عـنــي
يمه الحياة أبغـيـبـتـك شكــلـــها غــم
يمه ضحكت وجامل الضحــك سني
يمه سكن حزنــــي على حافـــة الفم
لاجيت اسولف دمـــع عينيي سبقني
يمه ترى هالبـيـت موحــش ومظلم
في غيـبـتـك يا( يمه) ســوره خنقني
******************************
على متن الجبل هذا جلست اذكر حكاياتي
جلست استرجع الماضي وصدري ضاق بهمومه
تعبت وكل مافيني تعب من كثر وناتي
عنا الذكرى جروحٍ عايشه بالنفس مرسومه
يذوب ابداخلي صمتي تذوب ابداخلي ذاتي
صفير الريح في صدري يصحي الجرح من نومه
نحت الصخر بدموعي وثرت بفيض عبراتي
تفجر في ثرى نفسي شجن واهات مكتومه
تجرعت الالم بدري وخاوتني معاناتي
مشاعر ضمها صدري من الافراح محرومه
*****************************
ابـــي اســــرق مــن هـمـــومـي
هـمـــوم تـجــرح الأبـيــات
واخـــاف اكـشـــف عـــن الـخــافــي
واتـيـــه بـوسـط اهــاتي
حــزيــن وبــايــن بـعـيـنــي
واحـــاول اخـفــي الـدمـعــات
كـثــر مــااخـفـــي الــدمــعـــه
احـــس تـزيـــد عـبــراتـي
امـــد الـكـــف كـــم مـره
ويـصـفـعنـــي الـــردى مــــرات
ردى هــالـحـــظ قــاعــــد لـــي
يـعـكــــر كـــل لـحـظـاتـي
يـســـافــر بــي ورىالـدنـيــا
لـديــره شــعــارهــاالآهــات
تــرحــب بــي وتـهـلــي بــي
وتـدفـــن كـــل ضـحـكـــاتــي
تـمـــد بـســـاطـهــا الـداكــن
وتـنـثــر شــوك للخـطــوات
وانــا امـشـــي رغـــم هـــذا
واخــــاف تــقـــل خـطــواتـي
*************************************

طمنوني عن حبيبي كان مريتوا عليه
وعلموني كيف عايش طمنوني كيف حـاله
يا ترا مرتاح ولا صار بعدي شي فيه
واسألوه ان كان حبي لين ها اللحظه في باله
يعلم الله ما نسيته واني اتألم وابيه
وان ما ليلة و مرت الا داعبني خـياله
وان لين هالحين وقلبي واقف له يحتريه
نادر في حبه ونادر في غلاه وفي وصاله
حالف ان شفته لا ضمه وسط قلبي واحتويه
**************************************
أحبك ذا ترى أول كلامي .. وآخره كله
ولكن وش يضر اليـوم لو تدري عن احوالي
وخذ ما جـاز لك من هالحكـي واللي تبي خلـه
انا لا قلت ما في خاطري والله ما بالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي
***************************************
حسمت المسأله والحين .. ابصدرلك قراراتي ..!!
وهي حاااصل ( تشاورنا ) بعد تكرار غلطاتك
( أنا ) ( وجروحي ) ( وقلبي )
تعاهدنا على ..... الآااتــي :
"" نحــب حتى الغلط منك ""
لانــه جــزء من ذاتـــك.....!!!!!
**************************************
رفعت الرايه البيضا..نعم ..سلمت واستسلمت
رفعت ايديني الثنتين..سو اللي تبي فيني
فداك الطاعه العميا..عليها يالحبيب اقسمت
اطيعك لو تعذبني.. وتظلمني وتشقيني
انا بلياك يالمحبوب.. يجرحني رهيب الصمت
احس اني وحيد بعالمي.. لاغبت عن عيني
***********************************
اببتعد واهجر شوارعك والبيت
قلة ادبكم عجلت بالنهاية

رح في طريق في دروبه تماديت
تحت الثرى شيعت نهاية عنايا

اقسم قسم لوشفتك بيوم حنيت
لأدوس قلبك بالقدم من قسايا

آخر سؤالي كان بالحق رديت
قلي بربك وش سبب هالسوايا
************************************
وووينك انت يا وله روحي عليك
وووينك انت كل ايامي تبيك!
في بعادك صارت اوقاتي عنا
اكتب اشواااقي خواطر واحتريك
ما احتمل احساسي اني مو معاك
ما بي هذا الكون انت اللي (( ابيك ))
***********************************
نسيت الناس والدنيا ولكن ماقدرت انساك
ولامني ذكرتك رجعت وقلت لعيونــــــــــك
انا لعيونك الحلوه احبك واعشقك واهــواك
ولاتسأل عن احوالي انا بسألك وشلونـــك
ترى ماهمني غيرك ترى كل البشـر تفداك
ترى موتي وميلادي حبيبي داخل عيونـك
***********************************
خلنــــــــــــــــــي
قصة هوى تسكن كيانك
خلني صورة مسافر في سماك
وخذ حياتي خلها شمعة زمانك
وخذ عيوني ماسكن فيها
ولمني ثم "ضمني " بأقصى حنانك،،
لمني يا جعلني كلي
فدااااااااااااااااك !
*************************************
هويتــــــه طفل ٍ صغيـــر وعلمتـــــه وربيتـــــه...
....... عشقـــــته لعنبو جـــــده وسواهــــــا وربــــــــاني؟؟؟
*********************************
مات الحكي واحرجني الموقف احراج
وعجزت اعبر عن هواي اعذرني
ماغير جملة حطها الخوف بسياج
قلبي يحبك حيل لا تتركني
كتبتها اخشى اسبب لك ازعاج
ولولا الغلا ما قلتها صدقني....
*******************
والله اني كنت الوم الي يضيق ان غاب خله ,,
لين جربت المحبه
والفراق وقلت
"تـــــــــوبه"
لعنبو جد المفارق فيه هم وذله ..!
اثر كل الحب لذه..,
والفراق
((اكـــــــــبر عيــــــــــوبه))
*******************************
رح فمان الله
وجه ابيض و طيب بشاره
لا تراعيني بعينك لين ما تخفيني
واعرف انك لو تلف الارض
حاره.. حاره
وين ما تلقى ملامح طيب بتلاقيني
واعرف انك لو تضيق
بدنيا دوّاره
ما تشوف الا ويدينك وسط يدّيني
********************************
يأأه يادمعه طاحــت على خد المواجــه
ما عرفتي تصبــرين اليــن ما عينــه تروح ؟
و الله اني ما قصدت بدمعــتي يا قلــب حاجه
بس فاجأني بغلاهْ .. و صممت عيني تبوح
*******************************

=======================



(((( شــــوق ))))



يامن ترك في
خاطري لهفة الشوق
تشتاق لك عيني ..
وقلبي لك اشتاق

غابت معك لحظاتنا
اللي لها ذوق
ويغيب ليل بالغلا
كان براق

اسمع صدى صوتك ..
وانا اقوم وافوق !
شي ملك روحي ..
وشي بالاعماق ..
***********************************
رسالـة .. كلها أشواق
من اولها لتاليها ..
بعثها خافقي يمّـك
.. مع اخلص تحياتة ..

عساها تاصل وتـوفي
..غلا عينك وراعيها ..
واناادري ان الغلا ..
اكبرمن احساسي وابياتـه ..

ولكني اببعثـها
وامّنــها واوصيّـــها ..
تقبّل رمش عينك ..
قبل جوالك ونغمــاته ..
*****************************
..ياصاحبي..
ياصاحبي .. لو بالزمـن ذرة إحسـاس
ماياخذك .. من عند ( قلبي ) .. ثواني
مليت اشوفك .. بين الأشواق .. والياس
واشوف حلمي .. ينهدم فـي كيانـي
*************************
يمك خذاني الشوق ماني مخير والي خذاه الشوق معذور لو صاح
***********************

لــو قلت انا

ما اشتــاقلك

تراي كذاب..

كلي على بعضي

اضيــع بغيــابك ..
************************************
لا تحسبني يوم دقيت مشتاق
بس بجرب موقع الصفر وينه
أثر الصفر من بين الأرقام ذواق
رقمك هو اللي بس حرك حنينه
ما جابنا لأرقامكم غير الأشواق
وأحساسنا قبل الصفر عارفينه

============================


(((( حــــب ))))
فديتك من هنا لآخر محطات الغلا لهناك

فديتك كثر مايهوى رضيع الصدر غفواته

فديتك يابعد كل الحروف وكلها تفداك

فديتك يابعد بيت القصيد وكل غاياته

فديتك بس لو تعرف وش اللي بالحشا ينخاك

وربي لو كشفت اللي بقلبي مت لرضاته
***********************************
سو كنك مادريت وحبني....وسوها ثاني على انك تعتذر !!
وقول اسف مانتبهت وضمني...والعذر مقبول ولك مني شكر
وكرر الغلطه معاي وخلني...أنتظر عذرك بكل فارغ صبر!!
جيبني ثم ودني ثم جيبني...من حدود الشمس لحدود القمر !!
وين ماتبغى فديتك ودني...خادمك ياسيدي تحت الأمر...
تكفى بعثرني شظايا ولمني ..في كفوفك يابعد كل البشر !!
راح أسوي كني دخت وضمني..وراح أقول أمزح وأحبك وأعتذر؟؟
***********************************

عديل الروح يسألني؟؟ تحبيني!!!!
أرد الصوت يا (...) أحبك حيل ياعمري...
حبيبي ليه تسألني كأنك جاهل فيني..!!
تعال عيوني واقراها تعرف الخافي وتدري...
أحبك حيل بأسبابك ذنوب الحب تغريني...
أحب الذنب لاصارت ذنوبي بالوصل تغري..
أحبك ثم أحبك ثم أحبك لين تكفيني...
أحبك كلمة خجلى تصغر في الهوى قدري...
أنا وان ضاقت الدنيا لقيتك فسحة سنيني.
أنا ولخاطر عيونك أبيع الكل من عذري..
*********************************
مدري عــــــــلامي صــــــرت ماحب غيــــــره....
........ كنه موصينــــــــي أحبــــــــــه لحــــــــــــــــاله
********************************
أحبك لين ترفعني ايادي الناس يم قبري.. احبك لين يغمرني تراب القبر وغباره
*****************************
كان هذا تغلي والله اني لجيك
انت روحي و روحي يا بعدهم فداك
تاج راسي و رأس الهوى يحتريك
دق بابك غرامي افتح الباب جاك
عاشق خط عمره بين رجة يديك
عاشق رعشة شفاك
كل حرف يخطه دوم يسال عليك
لعنبو حي حيك ماذبحني سواك


اتمنى ان تنال على اعجاب ناظرهــــــــــــــــــــــا